}
Адукацыйны рэсурс па беларускай мове і літаратуры

среда

Ад усяго сэрца віншуем вас, дарагія жанчыны, дзяўчаты, дзяўчынкі,  з цудоўным вясеннім святам – 
8 САКАВІКА!
 Як вясенні сонечны праменьчык сагравае зямлю, так і вы саграваеце наш свет прыгажосцю, дабром і любоўю.. У гэты святочны дзень жадаем вам здароўя і шчасця, кветак і ўсмешак. Няхай вам спадарожнічаюць удача, дабрабыт, добры настрой, радасць адкрыццяў і творчасці. Няхай акружаюць вас уважлівыя і добрыя людзі. 

понедельник

21 лютага ў свеце адзначаецца Міжнародны дзень роднай мовы. Ён быў абвешчаны ЮНЕСКА. З прапановай увесці такі дзень выступіў Бангладэш, дзе 21 лютага 1957 года, адстойваючы права вучыцца на роднай мове, загінулі пяць студэнтаў. Свята было заснавана рашэннем 30‑й сесіі Генеральнай канферэнцыі ЮНЕСКА ў лістападзе 1999 года і адзначаецца з 2000 года.  Паводле ацэнак ЮНЕСКА палова з 6 тысяч моў свету знаходзіцца пад пагрозай знікнення. Генеральная Асамблея ААН падтрымала рашэнне пра абвяшчэнне Міжнароднага дня роднай мовы і заклікала дзяржаў-членаў ААН і Сакратарыят ААН садзейнічаць абароне і захаванню ўсіх моў народаў свету.
Беларуская мова прайшла доўгі гістарычны шлях, на якім былі як часы росквіту, так і часы заняпаду. Былі нават такія перыяды, калі яна ледзь не знікла. Нашы бацькі, дзяды і прадзеды нямала зрабілі, каб беларуская мова была прызнаная як роўная сярод іншых моў свету.
   Мова – жывая існасць, якая жыве там, дзе ёсць людское жаданне. Ведайце: учора ты яшчэ не гаварыў па-беларуску, сёння размаўляеш на "трасянцы", а заўтра будзеш гаварыць на чыстай літаратурнай мове. А дзеля пачатку дастаткова зусім мала – проста паспрабаваць 21 лютага з аднакласнікамі, з калегамі, з  сябрамі,  з роднымі размаўляць па-беларуску.                                                                                                                                                                                               

суббота

25 СНЕЖНЯ - НАРАДЖЭННЕ ХРЫСТОВА
(КАТАЛІЦКАЕ)
Віншуем усіх хрысціян-католікаў з надыходзячым святам.
 
 Каляднае свята дорыць людзям вялікую надзею і веру, яно натхняе на міласэрныя ўчынкі, абядноўвае семі, пабуджае шчыра і ўважліва адносіцца да ўсіх, хто мае патрэбу ў дапамозе і клопаце. Усім патрэбны мір і спакой дарагіх нам людзей, упэўненасць у заўтрашнім дні, добрыя адносіны з сябрамі, калегамі і суседзямі. Няхай радасць не пакідае 
вашы дамы, няхай Віфліемская зорка заўсёды асвятляе вам шлях, які вядзе да дастойнага і шчаслівага жыцця. Моцнага ўсім здароўя, міру і дабра.

вторник





Алена Сямёнаўна Васілевіч 
 Увайшла ў гісторыю беларускай літаратуры ХХ стагоддзя як пісьменнік аўтабіяграфічнай прозы.
 Пісаць А. Васілевіч пачала яшчэ студэнткай. У 1947 годзе на старонках часопіса “Беларусь” была апублікована невялічкая аповесць “У прастор жыцця” (пазнейшая назва “У прасторах жыцця”). З таго часу яе творы часта з’яўляліся ў газетах і часопісах, выходзілі асобнымі выданнямі. Асноўным жанрам пісьменніцы стала апавяданне. У цэнтры ўвагі – ваеннае і пасляваеннае жыццё людзей, праблемы іх асабістых узаемаадносін, маралі, выхавання дзяцей (аповесць “Шляхі-дарогі” (1950), зборнікі апавяданняў “Блізкія знаёмыя” (1954), “Падслухала сэрца” (1960) і інш.). Высока ацэнены крытыкай апавяданні і навелы “Горкі ліпавы мёд”, “Зімовая дарога”, “Падгор’е”. 
Майстэрства А. Васілевіч праявілася ў апавяданнях для дзяцей, якія пачынаючы з 1950-х гг. друкаваліся ў перыядычных выданнях, а потым увайшлі ў зборнікі “Заўтра ў школу” (1956), “Сябры” (1958), “Апавяданні” (1959). Адной з першых у беларускай дзіцячай літаратуры А. Васілевіч узняла трывожную, актуальную праблему душэўнага сіроцтва дзяцей (апавяданне “Шурка Рэмзікаў”), дзе распавядаецца пра вельмі непросты лёс падлетка, бацька якога не вярнуўся з вайны.
Алена Сямёнаўна вядома таксама як публіцыст, нарысіст,крытык, майстар літаратурных партрэтаў, эсэ, аўтар беларускай дзіцячай літаратуры. Шмат гадоў А.Васілевіч уваходзіла ў склад Усесаюзнага савета па дзіцячай і юнацкай літаратуры. 


пятница


ДА 135-ГОДДЗЯ З ДНЯ НАРАДЖЭННЯ ЯКУБА КОЛАСА



Дзяржаўны літаратурна-мемарыяльны музей Якуба Коласа абвясціў конкурс  "Жыве паэт між намі тут", прымеркаваны да 135-годдзя з дня нараджэння народнага паэта Беларусі . Да ўдзелу запрашаюцца школьнікі 10-16 гадоў – як індывідуальныя аўтары, так і калектывы. 
Намінацыі:
"З кожнай мясцінкі можна пачаць дарогу. Коласу-празаіку".
"Нясуцца  зыкі песень здольных. Коласу-паэту". 
"Звет бязмежны – мой дом. Коласу-перакладчыку".
Заяўкі прымаюцца з 4 кастрычніка па 3 лістапада ўключна. Ацэньваць паэтычныя і празаічныя творы дзяцей будзе прафесійнае журы з пісьменнікаў, дзеячаў культуры, навукоўцаў. Вынікі падвядуць 4 снежня, пераможцаў і прызёраў узнагародзяць дыпломамі, грашовымі прызамі і сувенірамі.

четверг



Белыя банцікі, вясёлыя ўсмеш­кі, букеты прыгожых кве­так... Урачыста апранутыя дзеці і да­рос­лыя спяшаюцца на шко­ль­ныя лінейкі. Гэта значыць, што ле­та закончылася, і вясёлы зва­нок зноў паклікаў  вучняў за парты. Сябры, памятайце: ні на адным шляху чалавеку не трэба прыкладаць так шмат намаганняў, як на шляху асветы, бо веды не прыходзяць самі. Іх трэба здабываць, як здабываюць з зямных нетраў самыя каштоўныя дыяменты. Таму ад душы жадаю ўсім, для каго пачатак новага навучальнага года значная і прыемная падзея, добрага здароўя, выдатнага настрою, радасці і шчасця! Педагогам і бацькам –   мудрасці і цярпення, а школьнікам – выдатных адзнак, творчасці і цікавых падзей у новым навучальным годзе!